Humb jetën aktora e famshme botërore!

Aktorja amerikane Hayden Panettiere, e njohur për rolet e saj në serialet “Heroes” dhe “Nashville”, ka ndërruar jetë në moshën 36-vjeçare.

Lajmi është konfirmuar nga familja përmes përfaqësuesit të saj, ndërsa deri tani nuk është bërë publik shkaku i vdekjes. Autoritetet po hetojnë rrethanat.

Familja konfirmon lajmin e rëndë

Babai i aktores, Skip Panettiere, ka reaguar pas vdekjes së vajzës së tij, duke e përshkruar atë si një person që solli dashuri dhe gëzim të jashtëzakonshëm për familjen, miqtë dhe miliona njerëz që e njohën përmes ekranit.

Për momentin, familja nuk ka bërë të ditur shkakun e vdekjes së 36-vjeçares.

U bë e famshme me “Heroes”

Panettiere fitoi famë ndërkombëtare për interpretimin e Claire Bennet në serialin “Heroes”, personazhi me aftësi mbinatyrore për t’u vetëshëruar.

Një tjetër rol që shënoi karrierën e saj ishte ai i Juliette Barnes në “Nashville”, interpretim që i solli edhe dy nominime për Golden Globe.

Ajo ishte gjithashtu pjesë e filmave “Scream 4” dhe “Scream VI”, ku interpretoi Kirby Reed, ndërsa në karrierën e saj përfshihen edhe filma si “Remember the Titans”.

Kishte publikuar librin e saj këtë vit

Vetëm disa muaj para vdekjes, më 19 maj 2026, Panettiere publikoi librin autobiografik “This Is Me: A Reckoning”.

Në të ajo foli hapur për jetën e saj, famën që në fëmijëri, depresionin pas lindjes, varësinë, rikuperimin, traumat dhe humbjet personale.

Lë pas vajzën 11-vjeçare

Hayden Panettiere lë pas vajzën e saj 11-vjeçare, Kaya, të cilën e kishte nga marrëdhënia me ish-kampionin ukrainas të boksit Wladimir Klitschko.

Aktorja kishte përjetuar një tjetër humbje të rëndë familjare në vitin 2023, kur vëllai i saj më i vogël, aktori Jansen Panettiere, ndërroi jetë në moshën 28-vjeçare.

Vdekja e saj në moshën vetëm 36-vjeçare ka tronditur industrinë e filmit dhe televizionit, ku Panettiere kishte ndërtuar një karrierë që nga fëmijëria.