Policia e Kosovës ka kërkuar ndihmën e qytetarëve për identifikimin e një personi të dyshuar, i cili kërkohet në kuadër të hetimeve për veprën penale “Vjedhje e rëndë”.
Përmes një njoftimi zyrtar, Policia bëri të ditur se Sektori i Hetimeve të Kryeqytetit, me autorizim të prokurorisë kompetente, ka publikuar fotografinë e personit të dyshuar dhe u ka bërë thirrje qytetarëve që mund të kenë informacione për identitetin ose vendndodhjen e tij, t’i ndajnë ato me organet e rendit.
Sipas policisë, çdo informacion që mund të ndihmojë në identifikimin e të dyshuarit do të trajtohet në kuadër të hetimeve dhe mund të jetë i rëndësishëm për zbardhjen e rastit.
Policia e Kosovës ka apeluar që qytetarët të bashkëpunojnë me institucionet e sigurisë dhe të raportojnë çdo të dhënë relevante.
Për çdo informacion lidhur me këtë rast, qytetarët mund të kontaktojnë Policinë e Kosovës në numrin 192 ose të dërgojnë të dhënat përmes adresës elektronike info@kosovopolice.com.
Autoritetet nuk kanë bërë të ditura detaje të tjera lidhur me rastin, ndërsa hetimet për veprën penale “Vjedhje e rëndë” janë në vazhdim.
Be First to Comment