Humbje e rëndë për deputeten Elda Hoti, ndërron jetë bashkëshorti i saj 46-vjeçar
Deputetja e Partisë Demokratike në Shqipëri, Elda Hoti, është përballur me një humbje të rëndë familjare, pasi bashkëshorti i saj, Ladi Ndoja, ka ndërruar jetë në moshën 46-vjeçare.
Lajmi i trishtë është bërë i ditur nga familjarët e të ndjerit, të cilët kanë njoftuar se Ladi Ndoja ka humbur jetën si pasojë e një arresti kardiak.
Vdekja e tij ka shkaktuar dhimbje te familjarët, miqtë dhe të afërmit, ndërsa mesazhe ngushëllimi kanë filluar të publikohen edhe në rrjetet sociale.
Me një mesazh prekës, deputetja Elda Hoti i dha lamtumirën bashkëshortit të saj, duke shprehur dhimbjen e madhe për humbjen.
“U prehsh në paqe, i miri i zemrës sime! Ladi im, shpirti im. Do na mungosh gjithë jetën”, ka shkruar ajo.
Ladi Ndoja ishte 46 vjeç dhe la pas bashkëshorten dhe dy fëmijët e tyre.
Lajmi për ndarjen e tij nga jeta ka prekur opinionin publik, ndërsa shumë qytetarë, kolegë dhe figura publike kanë shprehur ngushëllimet për deputeten Elda Hoti dhe familjen Ndoja në këto momente të vështira.
Ladi Ndoja kishte qenë më herët në qendër të vëmendjes së autoriteteve. Në maj të vitit 2025 ai ishte arrestuar në Shqipëri në kuadër të një hetimi për vepra që lidhen me krimet zgjedhore.
Po gjatë vitit 2025, ai ishte arrestuar edhe në Valencia të Spanjës së bashku me një shtetas tjetër shqiptar. Sipas autoriteteve spanjolle, të dy dyshoheshin se kishin përshtatur një banesë për kultivimin, përpunimin dhe shpërndarjen e kanabisit. Rasti ishte pjesë e një hetimi të zhvilluar nga autoritetet ligjzbatuese në Spanjë.
Lajmi për ndarjen nga jeta të 46-vjeçarit ka ngjallur reagime dhe mesazhe ngushëllimi në rrjetet sociale, ku shumë qytetarë, miq dhe kolegë i kanë shprehur ngushëllimet deputetes Elda Hoti dhe familjes së saj.
Shënim: Për ngjarjet e përmendura të vitit 2025 vlejnë parimet e prezumimit të pafajësisë, për aq kohë sa nuk ekziston një vendim gjyqësor i formës së prerë.
Be First to Comment