“Thirreni seancën” – Përplasje në Kuvend mes Albulena Haxhiut dhe deputetëve të PDK-së
Tensione janë regjistruar sot në Kuvendin e Kosovës, ku Albulena Haxhiu është përfshirë në një përplasje verbale me disa deputetë të Partisë Demokratike të Kosovës.
Situata është krijuar në momentin kur Haxhiu po përgatitej të mbante një konferencë për media, ndërsa deputetët e PDK-së iu afruan dhe nisën t’i drejtoheshin asaj.
Në pamjet nga vendi i ngjarjes shihet Haxhiu duke komunikuar me deputetët, ndërsa tensioni mes palëve rritet.
Deputetët e PDK-së njëzëri: “Thirreni seancën”
Gjatë përplasjes, Haxhiu u ka treguar deputetëve foltoren, duke i ftuar që të flasin nga aty.
Në atë moment, deputetët e PDK-së kanë reaguar njëzëri duke përsëritur kërkesën: “Thirreni seancën”.
Shkëmbimi verbal ka vazhduar për disa momente, ndërsa e gjithë situata është zhvilluar para kamerave dhe gazetarëve të pranishëm në Kuvend.
Ngjarja vjen në një ditë të karakterizuar nga zhvillime dhe tensione politike në ambientet e Kuvendit të Kosovës.
PDK kishte paralajmëruar veprime në Kuvend
Më herët, përfaqësues të PDK-së kishin paralajmëruar se deputetët e kësaj partie do të shkonin në Kuvend dhe se do të përdornin mjete institucionale dhe juridike lidhur me situatën politike.
Pikërisht kërkesa për thirrjen e seancës është dëgjuar edhe gjatë përplasjes së sotme me Haxhiun.
Pamjet tregojnë momentet e debatit, ndërsa deputetët dëgjohen duke përsëritur disa herë kërkesën e tyre.
Përplasja është episodi i radhës i tensioneve të regjistruara sot brenda Kuvendit, ndërsa situata politike vazhdon të shoqërohet me akuza dhe qëndrime të kundërta mes partive.
Më poshtë, pamjet nga momenti i përplasjes:
Be First to Comment