Trishtim në Gjilan, ndahet nga jeta në moshë të re Albana

Një lajm i hidhur ka pikëlluar familjarët, miqtë dhe të afërmit e Albana Sylejmani Hotit, e cila ka ndërruar jetë në moshë të re.

Lajmi për vdekjen e saj është bërë i ditur nga familjarët përmes një njoftimi mortor, ku kanë shprehur dhimbjen e madhe për humbjen e më të dashurës së tyre.

“Me pikëllim të thellë, familjet Hoti dhe Sylejmani njoftojnë të afërmit, miqtë dhe dashamirët se ka ndërruar jetë më e dashura jonë, Albana Sylejmani Hoti”, thuhet në njoftimin e publikuar nga familja.

Sipas njoftimit, ceremonia e varrimit do të mbahet të hënën, më 10 gusht 2026, në ora 13:00, në Varrezat e Qytetit në Gjilan, ku familjarë, miq dhe qytetarë do t’i japin lamtumirën e fundit.

Familja ka bërë të ditur gjithashtu se e pamja do të mbahet për tri ditë, duke filluar nga 11 gushti 2026, në shtëpinë e familjes në Rrugën “Mbreti Agron”, në dalje të Gjilanit për Prishtinë.

Në fund të njoftimit, familjarët janë lutur që e ndjera të prehet në paqe dhe të shpërblehet me mëshirën e Allahut.

“Allahu e mëshiroftë dhe e shpërbleftë me Xhenetin Firdeus”, thuhet në njoftim.

Vdekja e Albanës ka prekur shumë familjarë, miq dhe të njohur, të cilët kanë shprehur ngushëllimet e tyre dhe kanë ndarë mesazhe prekëse në rrjetet sociale.

Ngushëllime të sinqerta familjeve Sylejmani dhe Hoti për këtë humbje të rëndë.