E dhimbshme sa s’ka më! Privohet nga jeta një 24 vjeçar nga familja Dalipi, shkaku i një vajze

Një ngjarje e rëndë ka tronditur komunitetin shqiptar në Itali, ku një 24-vjeçar ka humbur jetën pasi u sulmua me thikë gjatë një konflikti në Vescovato, provinca e Cremonës.

Viktima është identifikuar me inicialet N. Dalipaj, i cili, sipas mediave italiane, është goditur të paktën tri herë me thikë në pjesën e qafës. Pas sulmit, ai u transportua me urgjencë në spital në gjendje kritike, por nuk arriti t’u mbijetonte plagëve të rënda.

Ngjarja ka ndodhur pas një përleshjeje mes disa të rinjve, ndërsa autoritetet italiane kanë nisur menjëherë hetimet për të zbardhur plotësisht rrethanat e krimit.

Lidhur me rastin është ndaluar Mattia Miraglia, 32 vjeç, banues në Vescovato. Edhe ai ka mbetur i plagosur gjatë konfliktit dhe aktualisht po trajtohet në spitalin “Maggiore” të Cremonës, nën mbikëqyrjen e autoriteteve.

Sipas hetimeve paraprake të karabinierëve, konflikti dyshohet se ka nisur për motive banale, të lidhura me xhelozinë për një vajzë. Fillimisht, mes palëve ka pasur një debat verbal, i cili më pas ka eskaluar në përleshje fizike dhe përdorim të armës së ftohtë.

Hetuesit po punojnë për të rindërtuar me saktësi dinamikën e ngjarjes, duke marrë në pyetje dëshmitarët dhe personat e përfshirë në konflikt. Po ashtu, janë duke u analizuar pamjet e kamerave të sigurisë dhe provat e mbledhura në vendin e ngjarjes.

Vdekja e 24-vjeçarit shqiptar ka shkaktuar tronditje te familjarët dhe komuniteti shqiptar në Itali, ndërsa shumë mesazhe ngushëllimi janë publikuar në rrjetet sociale.

Autoritetet italiane kanë bërë të ditur se hetimet do të vazhdojnë deri në sqarimin e plotë të motiveve dhe përgjegjësive penale që lidhen me këtë ngjarje tragjike.

Në ato momente, i dyshuari dyshohet se kishte dalë nga banesa i armatosur me thikë. Sipas autoriteteve, ai fillimisht ka plagosur në bark njërin nga vëllezërit e viktimës, ndërsa më pas ka goditur disa herë me thikë 24-vjeçarin shqiptar, kryesisht në zonën e qafës.

Për shkak të plagëve të rënda, i riu ndërroi jetë pak kohë më vonë në spital.

Karabinierët kanë nisur një hetim të plotë për të sqaruar dinamikën e ngjarjes, motivet e konfliktit dhe përgjegjësitë penale të personave të përfshirë.

Shënim: Personi i ndaluar në këtë rast prezumohet i pafajshëm derisa fajësia e tij të provohet me vendim të formës së prerë nga gjykata.