Video në plazhin e Fllakës bën bujë, çifti filmohet duke kryer veprime të papërshtatshme në prani të pushuesve
Një video e publikuar në rrjetet sociale ka shkaktuar reagime të shumta, pasi në pamje shfaqet një çift që dyshohet se po kryente veprime të papërshtatshme në një hapësirë publike në plazhin e Fllakës, në Durrës.
Sipas personit që ka dërguar pamjet në JOQ Albania, ngjarja është regjistruar pasditen e djeshme, në një kohë kur plazhi ishte i mbushur me pushues, përfshirë familje dhe fëmijë.
“Ishim me familje në plazh”, ka shkruar qytetari, duke shprehur shqetësimin për sjelljen e çiftit në një ambient publik.
Në videon që po qarkullon në rrjetet sociale, çifti shihet brenda në ujë. Sipas pretendimit të personit që ka filmuar pamjet, ata po kryenin veprime intime, pavarësisht pranisë së pushuesve të tjerë në afërsi.
Publikimi i videos ka nxitur debat në rrjetet sociale, ku shumë qytetarë kanë kërkuar më shumë respekt për normat e sjelljes në hapësirat publike, veçanërisht në plazhet që frekuentohen nga familje me fëmijë.
Deri më tani, nuk ka informacion zyrtar nëse rasti është raportuar pranë autoriteteve apo nëse është ndërmarrë ndonjë veprim ndaj personave të përfshirë.
Artikulli bazohet në pretendimet që shoqërojnë videon e publikuar në rrjetet sociale. Rrethanat e ngjarjes dhe pretendimet nuk janë konfirmuar zyrtarisht nga autoritetet kompetente.
Be First to Comment